प्रहरीद्धारा अवैध लागूऔषध सहित तीन जना पक्राउ
मकवानपुर, बैशाख १
प्रहरीले अवैध लागुऔषध सहित तीन जनालाई पक्राउ गरेको छ । हेटौंडा उपमहानगरपालिका–११ थानाभर्या्ङ सुकुम्बासीटोल भन्ने स्थानबाट करिब २३ केजी अवैध लागूऔषध गाँजा सहित तीन जनालाई बुधबार बिहान प्रहरीले पक्राउ गरेको हो ।
पक्राउ पर्नेहरुमा राक्सिराङ गाउँपालिका–१ बस्ने ४० वर्षीय चतुरमान मोक्तान, ४७ वर्षीया माया तामाङ र ४७ वर्षीया निर्मला तामाङ रहेकाछन् । मनहरीबाट हेटौंडातर्फ जाँदै गरेको ना.१ ह ९०९९ नम्बरको अटोलाई अस्थायी प्रहरी पोष्ट थानाभर्यााङबाट खटिएको प्रहरीले जाँच गर्ने क्रममा दुई वटा कपडाको भिर्ने झोलामा लुकाई छिपाई राखेको उक्त लागूऔषध फेला पारी अटो चालक चतुरमान, अटोमा सवार माया र निर्मलालाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको जानकारी दिएको छ ।
प्रकाशित मिति: बुधबार, वैशाख १, २०७८ २२:०६
प्रतिक्रिया दिनुहोस्
थप शिक्षा
साताको लोकप्रीय
