अजरबैजान, जेठ ३० । युरो कप फुटबल अन्तगर्त गएराती भएको खेलमा वेल्स र स्वीट्जरल्याण्ड एक एक गोलको बराबरीमा रोकिएको छ।

अजरबैजान स्थित बाकुकको ओलम्कि स्टेडियममा शनिबार राती भएको खेलमा समूह ए मा रहेका स्वीट्जरल्याण्डले शुरुवाती अग्रता जोगाउन नसक्दा एक अंकमा चित्त बुझाउन बाध्य भयो ।

पहिलो हाफ गोलरहित बराबरी खेलेकोमा सबै गोल दोस्रो हाफमा संभव भएका थिए । ४९ औं मिनेटमा ब्रिल एम्बेलेले गोल गर्दै डेडलक तोड्नु भएको थियो । उहाँले जर्दान साकरीको कर्नर प्रहारलाई हेडर गोल गर्नुभएको थियो । उहाँका यो पहिलो अन्तर्राष्ट्रिय गोल हो ।

७४ औं मिनेटमा वेल्सले बराबरी गोल गरेको थियो । उसका लागि किफर मोरले गोल गर्दै वेल्सलाई खेलमा फर्काउनु भएको थियो । ८७ औं मिनेटमा मारियो गार्भानिचले गरेको गोल अफसाइड भएपछि  स्वीट्जरल्याण्ड अभागी साविकत भएको हो ।