युएई र नेपालबीचको फाइनल खेल स्थगित, बाँकी खेल भोलि
काठमाडौं, वैशाख १८ । एसिसी प्रिमियर कपको फाइनलमा खेल स्थगित भएको छ । एसिसी प्रिमियर कपअन्तर्गत नेपाल र युएईबीचको फाइनल खेल वर्षाका कारण स्थगित भएको हो । बाँकी रहेको खेल भोलि मंगलबार रिजर्भ डेमा आजकै स्थितिबाट सुरु हुनेछ ।
टियु मैदानमा टस हारेर पहिले ब्याटिङ गरेको युएईले २७ दशमलब ३ ओभरमा ९ विकेट गुमाउदै १ सय ६ बनाएको अवस्थामा खेल वर्षाका कारणले रोकिएको हो ।
नेपाल क्रिकेट संघ (क्यान) का क्रिकेट म्यानेजर विनोद दासका अनुसार भोलि आजकै स्थितिबाट युएईको (१०६/९ २७.३ ओभर)बाट ब्याटिङ शुरू हुनेछ । भोलिको खेल पनि वर्षाले अवरूद्ध भएमा ओभर घटाइनेछ । ओभर घटाएर पनि खेल सम्भव नभए सुपर ओभर हुनेछ । सुपर ओभर पनि सम्भव नभएमा वरीयताको आधारमा च्याम्पियनको टुंगो लाग्नेछ।
प्रकाशित मिति: सोमबार, वैशाख १८, २०८० १५:४६
प्रतिक्रिया दिनुहोस्
थप खेलकुद
साताको लोकप्रीय
