काठमाडौं, वैशाख १९ ।  आजको युएई विरुद्धको खेलमा नेपालको जितको कामना गर्दै वीरगञ्जमा सामूहिक हनुमान चालिसा पाठ आयोजना गरिएको छ । वीरगञ्जको महावीरस्थान मन्दिरमा युवाहरुले सामूहिक हनुमान चालिसा पाठ गरेका हुन् । उनीहरुले आजको खेलमा नेपालको जितको कामना गर्दै यस्तो गरेको बताएका छन् । 

सोमबार वर्षाका कारण रोकिएको एसीसी प्रिमियर कपअन्तर्गत युएई विरुद्धको फाइनल खेल आज ९ बजेदेखि शुरु भएको छ ।

हिजो कीर्तिपुरस्थित त्रिवि क्रिकेट मैदानमा घरेलु टोलीले टस जितेर फिल्डिङ रोजेपछि ब्याटिङ गरेको यूएईले २७.३ ओभरमा ९ विकेट गुमाएर १०६ रन बनाउँदा पानी परेपछि खेल रोकिएको थियो।