काठमाडौं, वैशाख १९ ।  प्रधानमन्त्री पुष्पकमल दाहालले एसीसी प्रिमियर कप क्रिकेटमा विजेता नेपाली क्रिकेट टोलीलाई पुरस्कार प्रदान गर्ने घोषणा गरेका छन्।

दाहालले मंगलबार खेलाडीहरूको योगदानप्रति उच्च सम्मान सहित सरकारको तर्फबाट थप प्रोत्साहन र पुरस्कृत गर्ने बताएका हुन्।

एसीसी प्रिमियर कप क्रिकेटमा विजेता नेपाली टोलीलाई बधाई दिंदै दाहालले भनेका छन्, 'देशको पहिचान र प्रतिष्ठा एवं नेपालीलाई उर्जा प्रदान गर्ने खेलाडीहरूको योगदानप्रति उच्च सम्मान गर्दै सरकारको तर्फबाट थप प्रोत्साहन र पुरस्कृत गर्ने प्रतिवद्धता व्यक्त गर्दछु।'

आज एसीसी प्रिमियर कपको फाइनलमा नेपाल यूएईलाई हराउँदै एसिया कपको लागि छनौट भएको छ।