काठमाडौं, वैशाख २० ।  आज बुधबार सुनको मूल्य भारी वृद्धि भएको छ । तोलामा आज सुनको भाउ १ हजार ८ सय रुपैयाँले बढेर १ लाख १० हजार ६ सय रुपैयाँमा पुगेको नेपाल सुनचाँदी व्यवसायी महासंघले जनाएको छ ।

हिजो सुनको भाउ तोलामा १ लाख ८ हजार ८ सय रुपैयाँ थियो । गएको चैत २२ गते सुनको भाउ अहिलेसम्मकै उच्च भएको थियो । २२ गते सुनको मूल्य तोलामा १ लाख ११ हजार रुपैयाँमा पुगेको थियो ।

त्यसैगरी आज चाँदीको भाउ पनि बढेको छ ।  चाँदीको मूल्य पनि मंगलबारको तुलनामा बुधबार तोलामा २० रुपैयाँले वृद्धि भएको छ।

तोलामा २० रुपैयाँले बढेर तोलाको १ हजार ४ सय २५ रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।