काठमाडौं, वैशाख २० ।  शहिद स्मारक ‘ए’ डिभिजन लिग फुटबलमा आज ३ वटा खेल हुँदैछन् । आज २ खेल दशरथ रंगशाला र १ खेल च्यासल मैदानमा हुनेछ ।

काठमाण्डौको त्रिपुरेश्वरमा रहेको दशरथ रंगशालामा हुने आजको पहिलो खेलमा फ्रेन्ड्स क्लब र चर्च ब्वाइज, च्यासल मैदानमा सातदोबाटो युथ क्लब र हिमालयन शेर्पा क्लबबीच दिउँसो ३ बजे खेल हुनेछ । 

फ्रेन्ड्स पाँचौं तथा चर्च ब्वाइज सातौं जितको खोजीमा हुनेछ । फ्रेन्ड्स १५ अंक जोडेर १२ औं स्थानमा रहेको छ भने चर्च ब्वाइज २१ अंक जोडेर चौथो स्थानमा रहेको छ ।

रंगशालामै आज हुने दोस्रो खेलमा बेलुका ६ बजे त्रिभुवन आर्मी क्लब र मनाङ मर्स्याङ्दी क्लबबीच खेल हुनेछ । आर्मी छैटौं तथा मनाङ पाँचौं जितको योजनामा हुनेछ । आर्मी २० अंक जोडेर पाँचौं स्थानमा रहँदा मनाङ १५ अंक जोडेर ११ औं स्थानमा रहेको छ ।