काठमाडौं, वैशाख २४ ।  बलिवुडका चर्चित अभिनेता आमिर खान आइतबार काठमाडौं आइपुगेका छन् । नयाँ फिल्म ल्याउने सोंचमा रहेका बलिउडका चर्चित अभिनेता आमिर खान १० दिनका लागि काठमाडौं आएका छन्।

आमिर आइतबार बिहान करिब १० बजे त्रिभुवन अन्तर्राष्ट्रिय विमानस्थलमा ओर्लेका हुन् । ५८ वर्षीय खानलाई पूर्वराज्यमन्त्री एवम् उद्योगी रूप ज्योति लगायतले विमानस्थलमा स्वागत गरेका थिए ।

आमिर खान बूढानीलकण्ठस्थित विपश्यना केन्द्रमा ध्यान गर्न काठमाडौं आएको बताइएको छ । उनले विपश्यना केन्द्रमा १० दिन ध्यान गर्ने बुझिएको छ । रुप ज्योति हाल विपस्यना ध्यान केन्द्रका केन्द्राचार्य पनि हुन्।