काठमाडौं, वैशाख २४ ।  शहीद स्मारक ‘ए’ डिभिजन लिग फुटबलमा आइतबार २ खेल हुँदैछ ।

एन्फा कम्प्लेक्समा दिउँसो ३ बजे शुरु हुने खेलमा संकटा क्लबले विभागीय टोली त्रिभुवन आर्मी क्लबसँग खेल्नेछ ।

संकटा पाँचौं तथा आर्मी छैटौं जितको योजनामा हुनेछ । संकटा १६ अंक जोडेर १३ औं स्थानमा रहँदा आर्मी २० अंक जोडेर छैटौं स्थानमा रहेको छ ।

यसैगरी, त्रिपुरेश्वरस्थित दशरथ रंगशालामा हुने खेलमा मछिन्द्र फुटबल क्लब र अर्को विभागीय टोली एपीएफ क्लबबीच दिउँसो ३ बजे सुरु हुनेछ ।

मछिन्द्र र एपीएफ दुवै छैटौं जित निकाल्ने योजनामा हुनेछन् । मछिन्द्र २१ अंक जोडेर पाँचौं स्थानमा रहँदा एपीएफ १९ अंक जोडेर नवौं स्थानमा रहेको छ ।