मध्य प्रदेश,  वैशाख २६ ।  मध्य प्रदेशको खरगोनमा एउटा बस पुलको रेलिङ भाँचेर नदीमा खसेको छ । दुर्घटनामा हालसम्म १५ जनाको मृत्यु भइसकेको छ ।

मध्य प्रदेशका गृहमन्त्री नरोत्तम मिश्रले भने, “बिहान ८:४० बजे दसांगा र डोङ्गरगाउँको बीचमा बस बैराड नदीमा खसेको थियो, रेलिङ भाँचेर नदीमा खसेको थियो।  नदी सुकेको थियो, अहिले १५ जनाको मृत्यु भएको खबर छ। २०-२५ जना घाइते छन्, सबै घाइतेलाई जिल्ला अस्पतालमा भर्ना गरिएको छ ।”

समाचार एजेन्सी एएनआईका अनुसार मध्य प्रदेश सरकारले खरगोनमा मृतकका परिवारलाई ४/४ लाख रुपैयाँ, गम्भीर घाइतेलाई ५०/५० हजार रुपैयाँ र सामान्य घाइतेलाई २५/२५ हजार रुपैयाँ दिने घोषणा गरेको छ ।