उदयपुर, वैशाख २८ ।  उदयपुरको मध्यपहाडी क्षेत्रको उदयपुर गढीगाउँपालिका-७ हाडेबासस्थित किसान चोक बहादुर मगरको फार्ममा आज आगालागी हुँदा कृषि फार्मसहित ४ गोठ र २ घर गरी ७ घर जलेर नष्ट भएको छ।

जिल्ला प्रहरी कार्यलय उदयपुरका अनुसार बिहान ९ बजे विद्युत् सर्ट भई आगलागी शुरु भएको हो। आगलागी हुनासाथ प्रहरीको टोली प्रहरी चौकी चुहाडे, उदयपुरगढी प्रहरी चौकी सहित स्थानीयले आगलागी नियन्त्रणमा लिएको प्रहरी प्रमुख ज्ञानेन्द्र कुमार फुँयालले बताए।