सियोल, वैशाख २९ । शुक्रबार दक्षिण कोरियाको जिओलाको येओसुमा प्राथमिक विद्यालयको व्यायमशालाको छत भत्किँदा शुक्रबार १ शिक्षक सहित ११ विद्यार्थी घाइते भएको योनहाप समाचार एजेन्सीले जनाएको छ।

सियोलबाट करिब ३२० किलोमिटर दक्षिणमा रहेको येओसुको प्राथमिक विद्यालयको व्यायमशाला भित्रको छत खस्दा सो दुर्घटना भएको हो।  दिउँसो १२ः२५ बजेतिर छत भत्किएको थियो ।

एकजना शिक्षक सहित १२ जना घाइते भएको र तिनीहरूको नजिकैको अस्पताल उपचार भइरहेको बताइएको छ। छत भित्रको फिनिसिङ सामाग्री एकैपटक भत्किँदा दुर्घटना भएको अनुमान गरिएको छ, तर यस बारे विस्तृत अनुसन्धान हुन बाँकी छ।