काठमाडौं, वैशाख ३१ । अमेरिकाबाट प्रकाशित चर्चित प्रतिष्ठित दैनिक पत्रिका 'द न्यु योर्क टाईम्स'ले काठमाडौं मेयर बालेन शाहको बारेमा एउटा लेख प्रकाशित गरेको छ ।

उक्त लेख र्‍याप स्टार, इन्जिनियरदेखि महानगरमा युवा मेयरको रुपमा निर्वाचितसम्मको कुरा समेट्दै एउटा लामो फिचर तयार गरी प्रकाशित गरिएको छ । साथै उनले काठमाडौंमा मेयरको रुपमा गरेका विकास निर्माणका कार्यहरु तथा त्यसको लागि उनले उठाएका कदमहरुको बारेमा चर्चा गरिएको छ ।

स्मरण रहोस् 'द न्यु योर्क टाईम्स'ले नेपालको कमै मात्र राजनितिक पात्रको फिचर प्रकाशित गरेको छ । आजसम्म कुनै प्रधानमन्त्री, मन्त्री वा नेताको फिचर नगर्नुले प्राथमिकता नपाएकै हो भन्ने पुष्टि हुन्छ । मेयर शाहको बारेमा यति लामो फिचर तयार गर्नुले शाहले अन्तर्राष्ट्रिय रुपमा समेत ख्याति कमाउदै गरेको प्रष्ट देखिन्छ ।

उक्त लेखका लेखक एमिली स्माल न्यूयोर्क टाइम्सका संवाददाता हुन् । उनी एसोसिएटेड प्रेसबाट द टाइम्समा आएकी हुन्, जहाँ उनले दक्षिण एसिया र त्यसअघि टेक्सासलाई कभर गर्दै लेख्दै आएकी थिईन् ।