काठमाडौं, जेठ ११ । पश्चिम रूकुमको बाँफिकोट गाउँपालिका- ८ मा बिहीबार बिहान भएको जिप दुर्घटनामा परी २२ दिनकी सुत्केरी, उनका नवजात शिशुसहित ५ जनाको मृत्यु भएको छ । जिप दुर्घटनामा परि १४ जना घाइते भएका छन् ।
सानीभेरी-५ मेल्चोरबाट मुसिकोट आउँदै गरेको लु १ ज १७४७ नम्बरको जिप बिहान ८ः२० बजे दुर्घटनामा परेको थियो। जिल्ला प्रहरी कार्यालय रुकुम पश्चिमको अनुसार घाइतेमध्ये पाँच जनाको अवस्था गम्भिर रहेको छ ।
दुर्घटनालगत्तै स्थानीयबासी उद्धारमा जुटेको वडाध्यक्ष धनबहादुर खत्रीले बताएका छन् । प्रहरीका अनुसार घाइतेमध्ये ४ जनालाई हेलिकप्टरमार्फत बाँकेको कोहलपुर मेडिकल कलेज लगिएको छ। बाँकी ६ जनाको ररुकुम पश्चिमकै सल्लेमा उपचार भइरहेको छ।
मृत्यु हुनेमा ३ जना सानीभेरी गाउँपालिकाका र बाँकी बाँफिकोटका रहेको खत्रीले बताए। शव अहिले सल्ले अस्पतालमा राखिएको छ र उनीहरूको सनाखत भइरहेको प्रहरीले जानकारी दिएको छ।
