बेलायत, असार १ । प्याट्रिक सेकको शानदार प्रदशर्नमा चेक रिपब्लिकले स्टकल्याण्डमाथि दुई सुन्य गोलको जित हात पारेको छ ।

बेलायतको ग्लेस्गोस्थित हाम्पडेन पार्कमा भएको खेलमा दुबै गोल सेकले गर्नुभएको हो । १२  हजार भन्दा बढि दर्शकको उपस्थिती रहेको सो खेलको हाफमा चेकले एक सुन्य गोलको अग्रता बनाएको थियो । कर्नरबाट आएको बललाई स्कट्रल्याण्डका ग्रान्ट हेन्ले क्लियर गर्न नसकेको फाइदा उठाउँदै उहाँले शानदार हेडर गोल गर्नुभएको थियो ।

स्कट ल्याण्डका  दुइ डिफेन्डरलाई बिट गर्दै उहाँले गोल गर्नुभएको हो । दोस्रो हाफको ५२ औँ मिनेटमा उहाँको व्यक्तिगत दोस्रो गोलमा चेकले अग्रता दोब्बर बनाएको थियो । उदयीमान खेलाडी सेकले सेन्टरभन्दा केही टाँढा (४५ मिटर) बाट गरेको प्रहार सिधैँ गोलमा परिणत भएको थियो ।

चेकका भविष्यका रुपमा हेरिएका सेकले पछिला ११ खेलमा सात गोल गर्नुभएको छ । भने उहाँकै पासमा दुई महत्वपुर्ण गोल भएका छन् । उहाँको चेकका लागि २७ खेलमा १३ औँ गोल हो । र बाँकी समय स्कटल्याण्डले खेल फर्कन गरेका प्रयासहरु सफल भएनन्  । २५ वर्ष पछि युरोकपमा फर्किएको टोली स्कटल्याण्डले सुखद नतिजा हात पार्न सकेन ।

यो जित पछि चेक समुह डीको तालिकाको शिर्ष स्थानमा उक्लेको छ । समान खेलबाट इंग्ल्याण्डको तीन अंक भएपनि गोल अन्तरका आधार चेक अघि बढेको हो ।