काठमाडौं, जेठ १८ । शहिद स्मारक ‘ए’ डिभिजन लिग अन्तर्गत आज ३ खेलहरु हुँदैछन् ।
दशरथ रंगशालामा दिउँसो ३ बजे शुरु हुने पहिलो खेलमा न्युरोड टिम एनआरटी र नेपाल पुलिस क्लबबीच प्रतिस्पर्धा हुनेछ ।
सोही समयमा च्यासल मैदानमा फ्रेन्ड्स क्लबले हिमालयन शेर्पा क्लबसँग खेल्नेछ भने दशरथ रंगशालामा हुने दोस्रो खेल साँझ ६ बजे मनाङ मर्स्याङ्दी क्लब र एफ सी खुमलटार भिड्नेछन् ।
२ खेलमा २८ अंक जोडेर दशौँ स्थानमा रहेको मनाङ बिहीबार सातौं जित निकाल्ने योजनामा रहेको छ । समान खेलबाट २४ अंक जोडेको खुमलटार तालिकाको पुछारमा रहेको छ । खुमलटारसँगै फ्रेण्ड्स क्लब पनि रेलिगेशनको खतरामा छ ।
लिगमा २३ खेलबाट ४१ अंक जोडेको चर्च ब्वाइज शिर्ष स्थानमा रहँदा ३९ अंक सहित मच्छिन्द्र क्लब दोस्रो तथा ३७ अंक जोडेको जावलाखेल युथ क्लब तेस्रो स्थानमा छ । ३१ अंक जोडेको पुलिस क्लब चौथो स्थानमा उक्लिएको छ ।
