काठमाडौं, जेठ ३० । काठमाडौंको ओमबहालस्थित माथेमा चोकमा गएराति भाइले आफ्नै दाईको खुकुरी प्रहार गरी हत्या गरेका छन् ।

घरायसी विवादमा २५ वर्षीय सुरज शाक्यले खुकुरी प्रहार गर्दा ४५ वर्षीय दाजु सूर्य शाक्यको मृत्यु भएको प्रहरीले जनाएको छ । मदिरा सेवन गरी घर आएका दाइ सूर्यले आमालाई गालीगलौज गर्न थालेपछि भाइ सुरज शाक्यले धारिलो हतियार प्रहार गरी दाइको हत्या गरेका थिए ।

हत्यापछि फरार भएका भाइ सुरज शाक्यलाई बिहान पौने १० बजे प्रहरीले बाङ्गेमुढाबाट नियन्त्रणमा लिएको छ । शवलाई पोष्टमार्टमका लागि त्रिवि शिक्षण अस्पताल महाराजगञ्जमा पठाइएको प्रहरीले जनाएको छ।