सिरहा, जेठ ३० ।  सिरहामा ४ जना सवार एउटा मोटरसाइकल दुर्घटना भएको छ । दुर्घटनामा चारैजना गम्भीर घाइते भएका छन् ।

गए राति कर्जन्हा नगरपालिका-६, बडहरा मिर्चैयामा ४ जना सवार मोटरसाइकल दुर्घटना हुँदा उनीहरू गम्भीर घाइते भएका प्रहरीले जनाएको छ ।

घाइते हुनेमा चालक स्थानीय २९ वर्षीय कमलेश साह, मोटरसाइकलमा पछाडि सवार २५ वर्षीय सञ्जय साह, २१ वर्षीय अमित पासवान र २५ वर्षीय वीरेन्द्र पासवान रहेका छन् ।

प्रहरीका अनुसार कर्जन्हा बजारबाट बडहरा मिर्चैया जाने क्रममा गए राति करिब १ बजे प्रदेश २-०१-००२ प १५४९ नम्बरको मोटरसाइकल अनियन्त्रित भई पल्टिएको थियो । उपचारका लागि घाइतेलाई विराटनगर पठाइएको इलाका प्रहरी कार्यालय मिर्चैयाले जनाएको छ ।