काठमाडौं, जेठ ३२ । प्रतिबन्धित अनलाइन बेटिङ एप ‘वान एक्स बेट’ कलाकार ‘बल्छी ध्रुबे’ सहित आठ जनालाई प्रहरीले पक्राउ गरेको छ ।
प्रतिबन्धित अनलाइन बेटिङ एप ‘वान एक्स बेट’ मा सट्टेबाजी गर्ने र त्यसको विज्ञापन गरेको आरोपमा काठमाडौं उपत्यका अपराध अनुसन्धान कार्यालयले आठ जनालाई पक्राउ गरेको हो।
स्रोतका अनुसार वानएक्स बेटमा सट्टेबाजी खेलाउने र यसको विज्ञापन गरेको आरोपमा पक्राउ पर्नेमा नेपालका चर्चित कलाकार 'बल्छी ध्रुबे' नामले चर्चित कलाकार मरिचमान श्रेष्ठ समेत रहेको स्रोतले बताएको छ ।
कलाकार एवं युट्युबरहरूले विज्ञापन गरेर बेटिङमा युवापुस्तालाई आकर्षण गर्ने गरेको भन्दै कार्यालयले अपरेसन चलाएको हो । यस अपरेसनमा बुधबार मात्रै बेटिङका पाँच जना एजेन्टलाई प्रहरीले पक्राउ गरी सार्वजनिक गरिसकेको छ । पाँचजना एजेन्टहरूबाट हालसम्म ७४ करोड १३ लाख ५० हजार ७ सय १३ रुपैयाँ बराबरको कारोबार भएको अनुसन्धानबाट खुल्न आएको छ ।
