काठमाडौं, असार ३ । कालीमाटीको सडकमा किसानहरूले गोलभेँडा फालेका छन् । कालीमाटी फलफूल तथा तरकारी बजार आएका किसानहरूले आइतबार बिहान उचित मूल्य नपाएपछि सडकमै गोलभेँडा फालेका हुन् ।

४ रुपैयाँ किलोमा पनि गोलभेँडा ब्रिकी नभएपछि किसानहरुले आज बिहान गोलभेडा फालेर आन्दोलन गरेका छन् । कालीमाटी तरकारी बजारमा भारतीय गोलभेँडा प्रतिकिलो ४० रुपैयाँमा ब्रिकी भइरहदा नेपाली गोलभेँडा भने ६ रुपैयाँ केजीमा ब्रिकी भइरहेको छ ।

मूल्य नपाएपछि काठमाडौँ, ललितपुर र भक्तपुरका किसानहरूले १० टनभन्दा बढी गोलभेँडा सडकमा फालेका छन् ।