दुर्घटना
गुडिरहेको पारागन बोर्डिंङ स्कुलको बसमा आगलागी
‘सडक बन्दै थियो, बसको तलको भाग ठोक्किएर आगो लागेको हो,ʼ एसपी लिम्बूले भने। ‘मानवीय क्षति पुगेको छैन, बसको आधा भन्दा बढी भाग जलिसकेको छ,ʼ उनले भने
सिरहा, असार ४ । लहान नगरपालिका-११ को एक निजी विद्यालयको बसमा आगो लागेको छ।
पारागन बोर्डिंङ स्कुलको बा १ ख २४४९ नम्बरको बस विद्यार्थी लिन जानेक्रममा आगो लागेको जिल्ला प्रहरी कार्यालयका प्रहरी उपरीक्षक एसपी टेकुनन्द इवा लिम्बूले बताए।
पूर्व-पश्चिम राजमार्ग लहानस्थित सडक मर्मतको काम भइरहेको छ। त्यही क्रममा हेम्समा ठोक्किएर आगलागी भएको उनले जानकारी दिए।
‘सडक बन्दै थियो, बसको तलको भाग ठोक्किएर आगो लागेको हो,ʼ एसपी लिम्बूले भने। ‘मानवीय क्षति पुगेको छैन, बसको आधा भन्दा बढी भाग जलिसकेको छ,ʼ उनले भने।
प्रकाशित मिति: सोमबार, असार ४, २०८० १२:४७
प्रतिक्रिया दिनुहोस्
साताको लोकप्रीय
