ढोरपाटन, असार ६ । बागलुङको काठेखोलामा जीप दुर्घटना हुँदा दुईजनाको मृत्यु भएको छ ।

गलकोटबाट बागलुङ बजारतर्फ आउँदै गरेको ग१च ९४८५ नम्बरको जीप काठेखोला गाउँपालिका–५ ठुलढुङ्गामा दुर्घटना हुँदा दुई जनाको घटनास्थलमै मृत्यु भएको छ । मृत्यु हनेमा चालक पर्वत जिल्ला कुश्मा नगरपालिका १ का २८ वर्षीय राजेन्द्र माझी र सहचालक बागलुङ जैमिनी नगरपालिका राङखानीका दुर्गा पौडेल रहेका छन् ।

जीप सडकभन्दा धेरै तल खसेको हुँदा अहिलेसम्म कति सवार थिए भन्ने यकिन हुन नसकेको बागलुङका सूचना अधिकारी मदन केसीले बताउनुभयो । अहिले प्रहरी घटनास्थलमा पुगेर उद्धारकार्यमा लागेको छ ।