आजदेखि साफ च्याम्पियनसिप, नेपाल र कुवेत भिड्दै
काठमाडौं, असार ६ । साफ च्याम्पियनसिप फुटबल आज बुधबारबाट सुरु हुँदैछ । नेपालले आज उद्घाटन खेलमै बलियो प्रतिद्वन्द्वी कुवेतसँग प्रतिस्पर्धा गर्दैछ ।
१४ औं संस्करणको साफ च्याम्पियनसिप फुटबल भारतको बैङ्लुरुस्थित श्री कान्तिराभा रंगशालामा हुदैछ । खेल नेपाली समय अनुसार दिउँसो ३ः४५ मा शुरु हुनेछ ।
यस संस्करणको च्याम्पियनसिपमा नेपालसहित आयोजक भारत, बंगलादेश, कुवेत, लेबनान, भुटान, पाकिस्तान, माल्दिभ्सले सहभागिता जनाउने छन् । समूह ए मा रहेको नेपालले २४ जुन आयोजक तथा डिफेन्डिङ च्याम्पियन भारत र २७ जुनमा पाकिस्तानसँग खेल्नेछ ।
प्रत्येक समूहको शिर्ष दुई टोली सेमिफाइनलमा प्रवेश गर्नेछन् । फाइनल खेल ४ जुलाईमा हुनेछ ।
प्रकाशित मिति: बुधबार, असार ६, २०८० १२:२२
प्रतिक्रिया दिनुहोस्
थप खेलकुद
साताको लोकप्रीय
