काठमाडौं, असार १५ ।  गए रातिदेखि परिरहेको अविरल वर्षाले कालीगण्डकी करिडोर सडक अवरुद्ध बनेको छ।

करिडोरअन्तर्गत पाल्पाको रम्भा गाउँपालिका २ र ३ को सिमानामा रहेको सहर्दीखोला पुल नजिकै पहिरो खसेपछि बिहान ५ बजेदेखि सडक अवरुद्ध भएको हो।

करिडोरको रामपुर पिपलडाँडा हुँदै तानसेन, बुटवल, नारायणगढ लगायत स्थानमा पुग्ने सवारीसाधन बीचमै रोकिएका छन्। सडकमाथिबाट पहिरो खस्ने क्रम जारी छ।