सिंगापुरलाई हराउँदै नेपाल एसीसी इस्ट जोन कपको फाइनलमा
काठमाडौं, असार १८ । नेपालले एसिसी यू१६ इस्ट जोन कपको सेमिफाइनल खेलमा सिंगापुरलाई हराउँदै फाइनलमा स्थान बनाएको छ ।
नेपालले ९७ रनले सिंगापुरलाई पराजित गरेको हो । जितको लागि १ सय ८५ रनको विजयी लक्ष्य पछ्याएको सिंगापुर ३१.३ ओभरमा ८७ रनमा अल आउट भयो ।
नेपालका कार्तिक कामतले २.३ ओभरमा ९ रन खर्चेर सर्वाधिक ३ विकेट लिए । नेपालको जितमा ओपनर निरजकुमार यादव ४२ र सुर्यांशु कोइरालाले ४३ रनको योगदान दिए ।
सिंगापुरका हरिहरनले ७ ओभरमा ३१ रन खर्चेर ३ विकेट लिए । कप्तान हर्ष वेंकटरामले ७ ओभरमा ३२ रन खर्चेर २ विकेट लिए । कबिरले ५ ओभरमा २८ रन खर्चेर २ विकेट लिए । नेपालले मंगलबार फाइनलमा मलेसियासँग खेल्नेछ ।
प्रकाशित मिति: सोमबार, असार १८, २०८० १३:०२
प्रतिक्रिया दिनुहोस्
थप खेलकुद
साताको लोकप्रीय
