विराटनगर, असार २६ । काठमाडौँको लागि उडेको मनाङ एयरको हेलिकोप्टर सोलुखुम्बुको लिखु पिके गाउँपालिका-५ भक्कानेस्थित लाम्जुरापास चिहानडाँडामा दुर्घटना भएको छ ।

घटनास्थलमा पुगेका प्रहरीले तीन जनाको शव फेला परेको कोशी प्रदेशका प्रहरी प्रमुख राजेशनाथ बाँस्तोलाले जानकारी दिए । प्रहरी तथा स्थानीयहरु खोजी कार्यमा जुटिरहेको उनले बताएका छन् ।

हेलिकप्टरमा क्याप्टेनसहित ६ जना सवार थिए । उक्त हेलिकोप्टरमा सवार पाँचै जना यात्रु मेक्सिकोका नागरिक थिए भने नेपाली क्याप्टेन चेतबहादुर गुरुङ रहेका छन् ।