काठमाडौं, असार २७ । दर्शक र संगीतकर्मीलाई निकट गराउने अभियान अन्तर्गत नयाँ शैलीमा 'प्रोजेक्ट नजिक' सार्वजनिक गरेका गायक दीपक बज्राचार्यले 'प्रोजेक्ट नजिक' को दोस्रो गीत 'काँचो माया' सार्वजनिक गरेका छ्न् ।

रिक्की शाक्यको शब्द र दीपक बज्राचार्यको नै संगीत रहेको 'काँचो माया’ मा युवा अवस्थामा हुने माया पिरतीको बारेमा वर्णन गरिएको छ ।

गीतको भिडियोमा गायक दीपक बज्राचार्यलाई नै फिचरिंग गरिएको छ। गीतको भिडियोलाई आउटडोर छायांकन अन्तर्गत एउटा सुन्दर गाउँमा खिचिएको छ । चेरिसा बज्राचार्यको कन्सेप्टमा तयार पारिएको भिडियोलाई सुब्रतराज आचार्य ले निर्देशन गरेका छन् भने उत्सव दाहालको सिनेमाटोग्राफी र बिजेश पौडेलको सम्पादन रहेको छ ।