काठमाडौं, असार २७ । नेपाली बजारमा हिजो अस्ति स्थिर रहेको सुनको मूल्य आज बढेको छ । हिजो प्रतितोला एक लाख ११ हजार तीन सय रुपैयाँमा कारोबार भएको सुनको मूल्य आज तीन सय रुपैयाँले बढेको छ।                                

नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा एक लाख ११ हजार ६ सय रुपैयाँ रहेको छ भने तेजावी सुनको मूल्य प्रतितोला एक लाख ११ हजार ५० रुपैयाँ रहेको छ ।                   

त्यस्तै, आज चाँदीको मूल्य पनि बढेको छ । हिजो चाँदीको मूल्य प्रतितोला एक हजार तीन सय ९५ रुपैयाँमा कारोबार भएकोमा आज बढेर प्रतितोला एक हजार चार सय रुपैयाँ मूल्य कायम भएको महासंघले जनाएको छ ।