काठमाडौं, असार २७ । सातौं संस्करणको एनभिए महिला तथा पुरुष राष्ट्रिय भलिबल क्लब लिगमा बुधबार भएको पुरुषतर्फको दोस्रो खेलमा टिप टप हेल्प नेपालले रोमाञ्चक जित हात पारेको छ। 

निकै कडा प्रतिस्पर्धाका बीच भएको खेलमा हेल्प नेपालले विभागीय टोली नेपाल पुलिसलाई पराजित गरेको हो । हेल्प नेपालले पुलिसमाथि ३–२ को सेटमा हात पार्दै फाइनल सम्भावना मजबुत बनाएको छ । राजधानीमा जारी खेलमा हेल्प नेपालले २५–२०, २०–२५, ३०–२८, १८–२५ र २४–२२ को सेटमा पुलिसलाई हराएको हो ।

लगातार चौथो जितमा रहेको हेल्प नेपाल ४ खेलमा ११ अंकका साथ शीर्ष स्थानमा छ । प्रतियोगिताको फाइनल खेल असार ३० गते शनिबार हुनेछ ।