काठमाडौं, साउन ३ । काठमाडौंको सिनामंगलमा शंकास्पद वस्तु फेला परेको छ। सिनामंगलको पुल नजिक रहेको खोटाङ हलेसी ज्वेलर्स अगाडि बम जस्तो शंकास्पद वस्तु फेला परेको हो । घटनास्थलमा हाम्रो पार्टी नेपाल उत्थान क्रान्तिकारी पार्टीको हातले लेखिएको पर्चा पनि फेला परेको छ।

पर्चामा लेखिएको छ -
‘खोटाङ हलेसी ज्वेलर्सको साहुजी हाम्रो पार्टी नेपाल उत्थान क्रान्तिकारी पार्टीलाई सपोर्ट गर्नूहोस्। तपाईंको सहयोगले हाम्रो देश र जनताहरूलाई ठूलो प्रगति हुनेछ भन्ने हाम्रो आश हो। यहाँ आरडिएक्स बारुदको बम राखिएको छ। सावधान रहनूहोला। संयोजक सफल।’

शंकास्पद वस्तु फेला परेको स्थान वरपरको क्षेत्रलाई नियन्त्रणमा लिइएको काठमाडौंका प्रहरी प्रवक्ता एसपी सीताराम रिजालले जानकारी दिए । अनुसन्धानपछि आवश्यक परे नेपाली सेनाको बम डिस्पोजल टोलीलाई बोलाइने उनले बताए ।