भक्तपुर, साउन ३ । काठमाडौँबाट धुलिखेल जाँदै गरेको यात्रुबाहक बस साँगा भञ्ज्याङमा दुर्घटना हुँदा ७ जना घाइते भएका छन् । बा ३ ख ९३९६ नं.को नगरबस भक्तपुरको साँगामा रहेको महादेव मन्दिर जाने साँगा पुलमुनि सडकबाट तल खसेको हो।

घाइतेहरुमध्ये ५ जनाको मध्यपुर अस्पतालमा उपचार भइरहेको र बाँकीको डा. इवामुरा अस्पतालमा उपचार भइरहेको प्रहरीले जनाएको छ । घाइते सबैको स्वास्थ्य अवस्था सामान्य रहेको बताइएको छ। बसमा १५ जना जना सवार रहेको स्थानीयहरूले बताएका छन्।

घटनाको विस्तृत विवरण आउन बाँकी छ। अहिले उद्धार कार्य जारी रहेको काभ्रे प्रहरीले जनाएको छ ।