भारतको महाराष्ट्रमा चलिरहेको रेलमा गोली प्रहार हुँदा १ प्रहरी सहित ४ जनाको मृत्यु
पालघर रेलवे स्टेशन नजिकै जयपुर-मुम्बई एक्सप्रेसमा यात्रा गरिरहेका ४ जनालाई रेलवे सुरक्षा बल (आरपीएफ) का १ जवानले गोली प्रहार गरेका भारतीय सञ्चार माध्यमले जनाएका छन्
महाराष्ट्र, साउन १५ । भारतको महाराष्ट्रमा चलिरहेको रेलमा गोली प्रहार हुँदा १ जना प्रहरी सहित ४ जनाको ज्यान गएको छ ।
पालघर रेलवे स्टेशन नजिकै जयपुर-मुम्बई एक्सप्रेसमा यात्रा गरिरहेका ४ जनालाई रेलवे सुरक्षा बल (आरपीएफ) का १ जवानले गोली प्रहार गरेका भारतीय सञ्चार माध्यमले जनाएका छन् । जयपुरबाट मुम्बईका लागि छुटेको रेलमा यस्तो घटना भएको हो ।
गोली चलाउने व्यक्तिलाई प्रहरीले पक्राउ गरेको छ । घटना के कारणले भयो भन्नेबारे केही खुलेको छैन । यात्रा गरिरहेका बेला रेलमा अचानक गोली चलेको प्रत्यक्षदर्शीले बताएका छन् । घटनाको अनुसन्धान भइरहेको भारतीय प्रहरीले जनाएका छन् ।
प्रकाशित मिति: सोमबार, साउन १५, २०८० १२:३०
प्रतिक्रिया दिनुहोस्
साताको लोकप्रीय
