काठमाडौं, साउन १८ । कान्तिपुर फिल्म एकेडेमी को निर्माण रहेको सिरिज मिस स्कार्लेटको टिजर सार्वजनिक गरिएको छ ।
सार्वजनिक भएको टिजर नेपाली, हिन्दी र अंग्रेजी भाषामा रहेको छ । यो सिरिज चाडै नै कान्तिपुर सिनेमाज ओटिटि प्लेटफर्मबाट स्ट्रिमिङ हुने बताइएको छ । केहि दिनमा नै कान्तिपुर सिनेमाज ओटिटि प्लेटफर्मको औपचारिक घोषणा गरिने बुझिएको छ ।
मिस स्कार्लेट ४ एपिसोडमा स्ट्रिमिङ हुनेछ भने प्रत्येक एपिसोड ४५ मिनेटको हुनेछ । मिस स्कार्लेट बिरगन्जमा छायांकन भएको हो । यस सिरिजको लेखक तथा निर्देशक बलिराम चौहान हुन् । सिरिजमा गीत विष्ट, कुल श्रेष्ठ, कमल ओझा, आलिसा बास्तोला, कपिल रसाइली, सबी थापा, सुमित्रा अधिकारी, दिलिप नेपालको अभिनय छ ।
प्रकाश पुरी क्रिएटिभ प्रोड्युसर रहेको सिरिजमा शेरबहादुर तामाङको छायांकन छ । यसै सिरिजबाट गीत, कुल र कमलले डेब्यू गरेका हुन् । नेपालको लागि तयार पारिएको यो सिरिज ओटीटी प्लाटफर्म कान्तिपुर सिनेमाजबाट भदौ महिनामा रिलिज गरिनेछ । अन्तर्राष्ट्रिय ओटीटी प्लेटफर्ममा पनि हिन्दी र अंग्रेजी भाषामा रिलिज हुनेछ ।
भिडियो लिंक
अंग्रेजी टिजर
https://youtu.be/KlGAbJB6PtY
हिन्दी टिजर
https://youtu.be/hsPo0lm07Hk
