काठमाडौं, साउन १९ । नेपाली चलचित्र ‘अदृश्य’ आजबाट देशभर प्रदर्शनमा आएको छ । आज शुक्रबार प्रदर्शनमा आएको नेपाली चलचित्र ‘अदृश्य’ मात्र हो ।
यसै चलचित्र मार्फत् निर्देशन प्रारम्भ गरेका निर्देशक प्रल्हाद काफ्लेले सामाजिक विषयवस्तुमा थ्रिलर प्रस्तुति दिएको बताए । 'हामीले राम्रो चलचित्र बनाउन सक्दो कोसिस गरेका छौँ', उनले भने । चलचित्रलाई आरआर फिल्म्सले वितरण गर्दैछ । मिना बस्नेत र उमारुद्रा काफ्लेको लगानी रहेको चलचित्रमा रविन अधिकारी र रिकेश खत्री सह निर्माता छन् ।
चलचित्रमा अभिनेता प्रमोद अग्रहरी र रिस्ता बस्नेतसँगै सोहित मानन्धर, प्रविन खतिवडा, छुल्ठिम गुरुङ, रवी गिरी, सिएम भारद्धाज सुवेदी, विकेश प्रजापती, गीत विष्ट, सुरज विष्ट, जसिता घिमिरे, सन्दीप बाबु लोहनी, रुपेश दाहाल, सुजन बज्राचार्य, अजित रेग्मी, रुपेश थापा, प्रतिक भुजेल, अभिमान सिंह बस्नेत लगायत कलाकारको अभिनय छ ।
पिताम्बर फिल्म्सको प्रस्तुतीमा निर्माण भएको चलचित्रमा राकेश रनपालको कथा, आकाश उखेडाको पटकथा तथा संवाद, उत्तम हुमागाईं र मोहन कुमार झिल्लुको छायांकन, विशाल पौडेलको संगीत, शिशिर खातीको कोरियोग्राफी, मुकेश शाहको पाश्र्व संगीत, बनिश शाहको सम्पादन छ । आजै बलिउड फिल्म ‘रक्की और रानीकी प्रेम कहानी’ पनि प्र्रदर्शनमा आएको छ ।
