सिद्धबाबा क्षेत्रमा गुडिरहेको जीपमाथि पहिरो खस्दा ३ जना घाइते
सिद्धबाबा क्षेत्र हेडबक्स नजिकै रहेको नाग मन्दिर अगाडि बिहान लु २ च २८४९ नम्बरको जीप माथि ढुङ्गा सहितको पहिरो खस्दा चालक सहित ३ जना घाइते भएका राजमार्ग सुरक्षा तथा ट्राफिक व्यवस्थापन कार्यालय बुटवलले जनाएको छ
बुटवल, साउन २२ । सिद्धार्थ राजमार्ग अन्तर्गत बुटवल-पाल्पा सडक खण्डको सिद्धबाबा क्षेत्रमा गुडिरहेको जीप माथि पहिरो खस्दा ३ जना घाइते भएका छन् ।
राजमार्गको बुटवल पाल्पा सडक खण्डको तिनाउ गाउँपालिका-३ मा रहेको सिद्धबाबा क्षेत्र हेडबक्स नजिकै रहेको नाग मन्दिर अगाडि बिहान लु २ च २८४९ नम्बरको जीप माथि ढुङ्गा सहितको पहिरो खस्दा चालक सहित ३ जना घाइते भएका राजमार्ग सुरक्षा तथा ट्राफिक व्यवस्थापन कार्यालय बुटवलले जनाएको छ ।
उनीहरुको लुम्बिनी प्रादेशिक अस्पतालमा उपचार भइरहेको छ । ढुङ्गा सहितको पहिरोले जीपको अगाडि भागमा पूर्णरुपले क्षति पुगेको छ । पहिरोका कारण केहीबेर राजमार्गको बुटवल-पाल्पा सडक अवरुद्ध भए पनि अहिले खुलिसकेको ट्राफिक व्यवस्थापन कार्यालय बुटवलले जनाएको छ ।
प्रकाशित मिति: सोमबार, साउन २२, २०८० १७:३६
प्रतिक्रिया दिनुहोस्
साताको लोकप्रीय
