रोल्पा बस दुर्घटना अपडेट : मृतक सबैको सनाखत
रोल्पा, साउन २३ । रोल्पा बस दुर्घटनामा परी निधन भएकाहरु सबैको सनाखत भएको छ ।
मृत्यु हुनेहरूमा माडी गाउँपालिका–२ बस्ने २२ वर्षीय प्रकाश बाठा, सोही गाउँपालिका–४ बस्ने ५१ वर्षीय गोर्खे डाँगी, उनकै श्रीमती ५० वर्षीया हस्ता डाँगी र परिवर्तन गाउँपालिका–३ बस्ने ४६ वर्षीय भक्त बिक रहेका छन् ।
त्रिवेणि गाउँपालिका–७ तिलास्थित सडकमा बागमारादेखि घोराहीतर्फ जाँदै गरेको ना.५ ख २६१२ नम्बरको बस करिब १ सय ५० मिटर तल खोल्सामा खसेर मंगलबार दिउँसो दुर्घटना हुँदा बसमा सवार ४ जनाको घटनास्थलमै मृत्यु भएको हो ।
दुर्घटनामा घाइते भएका अन्य १८ जनामध्ये १६ जनालाई उपचारका लागि दाङतर्फ र २ जनालाई स्वास्थ्य चौकी तिला रोल्पामा पठाइएको छ । बस चालकलाई प्रहरीले नियन्त्रण लिई दुर्घटनाका सम्बन्धमा आवश्यक अनुसन्धान गरिरहेको छ ।
प्रकाशित मिति: मंगलबार, साउन २३, २०८० १७:२९
प्रतिक्रिया दिनुहोस्
साताको लोकप्रीय
