काठमाडौं, साउन २५ । नेपाली कांग्रेसका सांसद सुनील शर्मा पक्राउ परेका छन् । उनलाई आज बिहीबार दिउँसो मण्डिखाटार निवासबाट प्रहरीको केन्द्रीय अनुसन्धान ब्युरो (सीआईबी) को टोलीले पक्राउ गरेको हो ।

मोरङ–३ बाट प्रतिनिधिसभामा निर्वाचित सांसद शर्मालाई नक्कली शैक्षिक प्रमाणपत्रको कसुरमा पक्राउ गरिएको स्रोतले जनाएको छ । उनले प्रवीणता प्रमाणपत्र तह पास गरेको नक्कली प्रमाणपत्र पेस गरेर त्योभन्दा माथिल्लो तहको अध्ययन गरेको प्रहरीको आरोप छ ।

शर्माले सुन प्रकरणमा सरकारको चर्को आलोचना गर्दै संसदमा गृह र अर्थमन्त्रीको राजीनामा मागेका थिए ।