मोटरसाइकल ट्रकमा ठोक्किएर दुर्घटना हुँदा एक युवकको मृत्यु
काभ्रे, साउन ३० । अरनिको राजमार्गस्थित बनेपा नगरपालिका वडा नम्बर-१३ भैंसेपाटीमा मोटरसाइकल दुर्घटना हुँदा एक जनाको मृत्यु भएको छ ।
मंगलबार बनेपाबाट काठमाडौंतर्फ जाँदै गरेको बागमती प्रदेश ०२–०३४ प ११६७ नम्बरको मोटरसाईकल अनियन्त्रित भई विपरित दिशा बाट आउँदै गरेको १० चक्के ट्रकमा ठोक्किँदा धुलिखेल नगरपालिका-८ घर भएका २१ वर्षीय अभिषेक न्यौपानेको मृत्यु भएको हो ।
मृतकको शव धुलिखेल अस्पतालमा राखिएको छ । ट्रक र चालकलाई नियन्त्रणमा लिईएको इलाका प्रहरी कार्यालय बनेपाका डिएस्पी रेशम बोहोराले जानकारी दिए ।
प्रकाशित मिति: मंगलबार, साउन ३०, २०८० १२:४६
प्रतिक्रिया दिनुहोस्
साताको लोकप्रीय
