काठमाडौं, साउन ३० । मोटरसाइकलको ‘ब्रेक सु’ भित्र लुकाएर ल्याइएको तस्करीको सुन गालेर सकिएको छ ।

सुन गालेर सकिएको नेपाल राष्ट्र बैंकको टक्सार महाशाखाले जनाएको छ । केही बेरमा महाशाखाले सुनको एकिन तौलबारे औपचारिक जानकारी दिने बताइएको छ।

आज बिहान १०ः३० बजेबाट सुन गाल्ने काम सुरु गरिएको थियो ।  नेपाल राष्ट्र बैंकको टक्सार महाशाखामा सरोकारवाला निकाय र सुरक्षा निकायका प्रतिनिधिको रोहबरमा सुन गालिएको हो ।

हिजो ब्रेक सुबाट सुन छुट्याउने काम गरिएको थियो । हिजो छुट्याइएको सुन ६० किलो सात सय ८९ ग्राम तौल रहेको छ । गालेपछि सुनको मात्रा अझै घट्नसक्ने अनुमान छ ।