बालसुधार गृहबाट भागेका १०० जना बालबालिका पक्राउ
काठमाडौं, भदौ ४ । भक्तपुरको बाल सुधारगृहबाट भागेका करिब सय जनालाई प्रहरीले पक्राउ गरेको छ। ८४ जना काठमाडौंबाट र करिब २० जना भक्तपुरबाट पक्राउ परेका हुन्।
सुधार गृहमा सजाय भुक्तान गरिरहेका रामेछाप मन्थली नगरपालिका ३ कठजोरका १८ वर्षिय कमल बस्नेतको आइतबार बिहान मृत्यु भएको थियो । मृत्युको विषयमा झडप हुँदा नाबालक बन्दीहरु भागेका हुन् ।
प्रहरीमाथि नै आक्रमण गर्न थालेपछि स्थिति नियन्त्रणमा लिन प्रहरीले केही राउन्ड गोली पनि चलाएको थियो । जसमा तीन जना बालबालिका घाइते समेत भएका छन् ।
घटनास्थलमा उपत्यका प्रहरी कार्यालयमा कार्यरत एसएसपीहरु दिनेशराज मैनाली र ओम रानाको नेतृत्वमा थप प्रहरी परिचालन गरिएको छ । काठमाडौं, भक्तपुर र ललितपुरमा सुरक्षा सतर्कता बढाइएको छ ।
#भक्तपुरको बाल सुधार गृहबाट प्रहरीलाई आक्रमण गरी भागे १५० बालबालिका
प्रकाशित मिति: सोमबार, भदौ ४, २०८० १७:१८
प्रतिक्रिया दिनुहोस्
साताको लोकप्रीय
