काठमाडौंंको कीर्तिपुरमा चितुवाको आक्रमणबाट एक व्यक्ति घाइते
काठमाडौं, भदौ ७ । काठमाडौंंको कीर्तिपुरमा चितुवाले आक्रमण गर्दा एक व्यक्ति घाइते भएका छन्। आक्रमणमा परी घाइते हुनेमा कीर्तिपुरको मच्छेगाउँ थापाटोलका ४० वर्षीय कुनीप्रसाद तामाङ रहेका छन् ।
आफ्नो कुखुरा फार्ममा कुरुवा बस्न गएका तामाङ सुतिरहेको बेलामा चितुवाले आक्रमण गरेको थियो । उनको अवस्था सामान्य रहेको र उनलाई उपचारका लागि अस्पताल भर्ना गरिएको प्रहरीले जनाएको छ ।
आक्रमण गर्ने चितुवा पनि घाइते भएको र चितुवा कुखुराको खोरभित्र थुनिएको जिल्ला प्रहरी परिसर काठमाडौँका प्रवक्ता तथा प्रहरी उपरीक्षक कुमोध ढुङ्गेलले जानकारी दिए।
प्रकाशित मिति: बिहीबार, भदौ ७, २०८० ११:५१
प्रतिक्रिया दिनुहोस्
साताको लोकप्रीय
