काठमाडौं, असार ७ । बिश्वव्यापी महामारीरुपमा फैलिएको कोरोना भाईरस (कोभिड-१९) बाट नेपालमा आज थप दुुई हजार दुुई सय ९७ जना संक्रमित भएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १० हजार नौ सय चार वटा स्वाब नमुनाको परीक्षण गर्दा देशभर दुई हजार दुुई सय ९७ जनामा संक्रमण देखिएको हो ।
स्वास्थ्य तथा जनसंख्या मन्त्रालयका अनुसार आज तीन हजार एक सय ३० जना संक्रमणमुक्त भएका छन् । यसैगरी आज कोभिड-१९ को संक्रमणका कारण देशभर ४६ जनाको मृत्यु भएको छ । आज समेत गरेर नेपालमा कोेभिड-१९ को संक्रमणबाट मृत्यु हुुनेको कुुल संख्या आठ हजार सात सय २६ पुुगेको छ । नेपालमा हालसम्म पाँच लाख ५९ हजार नौ सय २८ जना संक्रमणमुक्त भइसकेका छन् । नेपालमा निको हुने दर पछिल्लो समय ८९ दशमलव ९३ प्रतिशत रहेको छ ।
नेपालमा हाल ५३ हजार नौ ४० जना सक्रिय संक्रमित रहेका छन् । यसमध्ये ५० हजार तीन सय चार जना होम आइसोलेसनमा, तीन हजार छ सय ३६ जना संस्थागत आइसोलेसनमा, आठ सय ११ जना आईसीयूमा रहेका छन् भने दुुई सय ३७ जना भेन्टिलेटरमा रहेका छन् ।
