काठमाडौं, भदौ १२ ।  बुढानीलकण्ठ-११ कपनबाट ४ जुवाडे डलर र भारूसहित पक्राउ परेका छन्। डलर र भारूमा जुवा खेलिरहेको सूचना पाएसँगै पुगेको प्रहरी टोलीले उनीहरूलाइ पक्राउ गरेको हो । भदौ  ९ गते बेलुका ५ बजेको समयमा गोप्य सुचनाका आधारमा प्रहरी प्रभाग कपनको टोलीले उनीहरूसँग लाखौँ रुपैयाँ पनि बरामद गरेको छ ।

कपन प्रहरी प्रभागले जारि गरेको सुचना अनुसार नेपाली नगद रु. १,१३,५००/- (एक लाख तेह्र हजार पाँच सय), भारतीय नोट ५०० को नोट २०० थान र अमेरिकी डलर १०० को नोट ११ थान सहित तथा जुवा खेल्न प्रयोग भएको ३ बुक तास सहित उनीहरुलाइ पक्राउ गरिएको हो। उक्त घटना सम्बन्धमा अनुसन्धान गर्न ५ दिन म्याद थप गरि जुवाडेहरुलाइ प्रहरी बृत्त बौद्धमा राखी थप अनुसन्धान भईरहेको बताइएको छ।