एसिया कप क्रिकेट : २२ ओभर सकिँदा पाकिस्तान विरूद्ध नेपालको उत्कृष्ट प्रदर्शन
एसिया कपको उद्घाटन खेलमा टस हारेर पहिले फिल्डिङ गरिरहेको नेपालले खेलको २२ औं ओभर सकिँदा २ विकेट लिएको छ । पाकिस्तानले १०२ रन मात्रै बनाएको छ
काठमाडौं, भदौ १३ । पाकिस्तान विरूद्धको खेलमा नेपालले उत्कृष्ट प्रदर्शन गरिरहेको छ।
एसिया कपको उद्घाटन खेलमा टस हारेर पहिले फिल्डिङ गरिरहेको नेपालले खेलको २२ औं ओभर सकिँदा २ विकेट लिएको छ । पाकिस्तानले १०२ रन मात्रै बनाएको छ।
खेलको छैठौं ओभर सकिँदा नेपालले २ विकेट लिइसकेको थियो। नेपालका लागि करण केसी र रोहित पौडेलले १/१ विकेट लिएका छन्।
खेलको ५.३ ओभरमा करण केसीको बलिङमा पाकिस्तानका ओपनर फखर जमान आसिफ शेखले क्याच आउट गरेका थिए। उनले १४ रन मात्रै बनाए।
यस्तै अर्का ओपनर इमाम उलहकलाई रोहित पौडेलले ६.१ ओभरमा ५ रनमा रन आउट गरेका छन्। रोहितले डाइरेक्स हिट मार्फत् इमामलाई पेभिलियनको बाटो देखाए।
आइसिसी विश्व वरीयताको तेस्रो नम्बरमा रहेका इमाम र पाँचौ नम्बरमा रहेका फखर जमानलाई आउट गरेपछि नेपालले राम्रो शुरुवात गरेको छ।
प्रकाशित मिति: बुधबार, भदौ १३, २०८० १६:५९
प्रतिक्रिया दिनुहोस्
थप खेलकुद
साताको लोकप्रीय
