काठमाडौं, भदौ १५ । काठमाडौं महानगरपालिकाले आज शुक्रवार सार्वजनिक बिदा दिएको छ । आज सापारु र रोपाइँ जात्रासमेत परेकाले सार्वजनिक बिदा दिने निर्णय गरिएको महानगरका प्रमुख प्रशासकीय अधिकृत बसन्त अधिकारीले जारी गरिएको सूचनामा जनाईएको छ ।

काठमाडौं महानगरपालिकाले जारी गरेको सूचनामा आज शुक्रबार सापारु र रोपाइँ जात्रासमेत मनाउने प्रचलन अनुसार उक्त परम्परालाई निरन्तरता दिई महानगरपालिकाको मौलिक अमूर्त सम्पदाको संरक्षण गर्न भदौ १५ गते महानगर क्षेत्रभित्र सार्वजनिक बिदा दिने निर्णय गरिएको उल्लेख छ ।