पेप्सीकोला दुर्घटना अपडेट : उपचारको क्रममा दुईजनाको मृत्यु
काठमाडौं, भदौ १७ । आज बिहान काठमाडौंको पेप्सिकोलामा भएको दुर्घटनामा परी घाइते भएकामध्ये दुईजनाको उपचारको क्रममा मृत्यु भएको छ ।
मृत्यु हुनेमा सशस्त्र प्रहरी बल सिनामङ्गलमा कार्यरत २५ वर्षीया उषा थापा र सर्लाही जिल्ला शान्तिटोल–१ का २१ वर्षीय राज भट्टराईको रहेको जिल्ला प्रहरी परिसर काठमाडौँका प्रवक्ता, प्रहरी उपरीक्षक कुमोद ढुङ्गेलले जानकारी दिए।
जडीबुटीदेखि पेप्सीकोलातर्फ जाँदै गरेको क्षेत्रीय उपत्यका बस व्यवसायी सङ्घको बा ३ ख ४८४८ नम्बरको बस र विपरीत दिशाबाट आएको बा ६ च ५३४२ नम्बरको बलेरो गाडी आज बिहान ७ः३० बजे ठोकिँदा दुर्घटना भएको थियो।
दुई गाडी ठोकिँदा बागमती प्रदेश ०२–०३७ प ५३११ नम्बरको डिओ स्कुटर र बागमती प्रदेश ०२–०४१ प ४८३८ नम्बरको एफजेड मोटरसाइकलसमेत दुर्घटनामा परेका थिए।
प्रकाशित मिति: आइतबार, भदौ १७, २०८० ११:५२
प्रतिक्रिया दिनुहोस्
साताको लोकप्रीय
