काठमाडौं, भदौ २१ । काठमाडौं महानगरपालिका वडा नंं-१६ का अध्यक्ष मुकुन्द रिजालको निधन भएको छ । उनको आज बिहान उपचारका क्रममा ग्राण्डी अस्पताल निधन भएको हो ।

उच्च ज्वरो र निमोनियाँ देखिएपछि उहाँलाई अस्पताल लगिएका उनको ५ दिनको उपचार अवधिमध्ये २ दिन आइसीयूमा राखिएको थियो । डेंगीको संक्रमण देखिएपछि उनलाई भेन्टिलेटरमा राखेर उपचार गरिएको थियो।

महानगरपालिकाका प्रमुख प्रशासकीय अधिकृत बसन्त अधिकारीकाअनुसार उनको पार्थिक शरीरलाई श्रद्धाञ्जली दिनका लागि बिहान ११ बजेदेखि राष्ट्रिय सभा गृहमा राखिनेछ । त्यसपछि अन्तिम संस्कारका लागि पशुपति आर्यघाट लगिनेछ ।

नगर कार्यपालिकाअन्तर्गत पूर्वाधार समितिका संयोजक समेत रहेका रिजाल २०७४ सालको स्थानीय तह सदस्य निर्वाचनबाट पनि वडाध्यक्ष निर्वाचित भएका थिए ।