ब्रजिल, असार ८ । अर्जेन्टिना कोपा अमेरिकाको क्वाटर फाइनलमा प्रवेश गरेको छ । आज बिहान ब्रजिलमा भएको खेलमा उसले पाराग्वेमाथि एक सुन्य गोलको जित हात पार्दै अन्तिम ८ मा स्थान बनाएको हो । समूह ए मा रहेको अर्जेन्टिना यो जिच पछि सात अंक बनाएको छ ।

अर्जेन्टिनाको जितमा एलेजान्ड्रो गोमेजले पहिलो हाफको शुरुमै गरेको गोल नै निर्णायक बन्न पुग्यो । उहाँले दशौं मिनेटमा एन्जल डि मारियाको पासमा गोल गर्दै अर्जेन्टिनालाई अग्रता दिलाउनु भएको थियो । त्यसपछि दुबै टिमबाट गोल हुन सकेन र अर्जेन्टिना अन्तिम ८ प्रवेश गरेको हो । यस्तै आज बिहान नै भएको अर्को खेलमा चिली र उरुग्वे एक एक गोलको बराबरीमा रोकिएका छन् ।

एक गोलले पछि परेको उरुग्वेलाई उपहार गोलले राहत भएको थियो । २६ औं मिनेटमा चिलीका लागि एडवार्डो भर्गासले गोल गर्दै अग्रता दिलाउनु भएको थियो ।  तर, ६६ औं मिनेटमा चिलीकै अटूुरो भिडालले आत्मघाति गोल गरेपछि उरुग्वेले एक एक गोलको बराबरी गर्न सफल भएको थियो ।