काठमाडौं, भदौ २९ ।  त्रिभुवन अन्तराष्ट्रिय विमानस्थलबाट विदेश जाने यात्रुले अब खादा र माला लगाउन नपाउने भएका छन् । बाहिरको ट्याक्सी स्ट्यान्ड तथा विदाई गर्ने स्थानसम्म लगाउने पाउने भए पनि सुरक्षा चेक जाँच र टिकट जाँच तर्फ जाँदा भने खादा र फुलको मालामा प्रतिबन्ध लगाईएको बताईएको छ।

केही दिनदेखि विमानस्थल प्रशासनले यसबारे माइकिङ पनि गरिरहेको छ । खादा र माला लगाएर आएका यात्रुलाई खादा र माला फुकालेर आफ्नो झोला भित्र हाल्न आग्रह गरिरहेको दृश्य बिहिबार साँझ देखिएको थियो। विदाई गर्दा लगाईएको खादा माला भित्र जानु अगाडी निकाल्नु पर्ने भएपछि आफन्तहरुले अशन्तुष्टि व्यक्त गरेका छन् ।