काभ्रेपलान्चोक, असोज ४ ।  काभ्रेपलान्चोक जिल्लाको मण्डनदेउपुर नगरपालिकाले आज थकाई बिदा दिएको छ ।

हिजो बुधबार एक सूचना जारी गर्दै नगरपालिकाको कार्यालय, नगर अन्तर्गतका कार्यालयहरू, विद्यालयलगायत सम्पूर्ण सरकारी तथा गैर सरकारी संस्थाहरुमा आज बिहीबार थकाई बिदा दिएको हो ।

संविधान दिवसका अवसरमा नगरपालिकाको नवनिर्मित भवनबाट सेवा प्रवाह सुरु भएको उपलक्ष्यमा तथा सो क्रममा विगत तीन दिनदेखि लगातार व्यवस्थापन गर्ने कार्यमा खटिँदा सम्पूर्ण कर्मचारी तथा जनप्रतिनिधिहरू थकित भएका कारण विदा दिइएको नगरपालिकाको सूचनामा उल्लेख छ ।